ҚАРТ МАЙДАНГЕРГЕ ҚҰРМЕТ
Биыл Ұлы Отан соғысының аяқталғанына 73 жыл толып отыр. Жер бетіндегі барша адамзат баласына қайғы-қасірет әкелген екінші дүниежүзілік соғысқа Қызылорда облысынан 150 мыңға жуық азамат алынды.Сұм соғысқа Қармақшы ауданынан барлығы 5 мыңға жуық ер-азамат аттанған. Өкініштісі, олардың тең жартысынан астамы майдан даласында мәңгілікке мекен тапты. Хабарсыз кеткендері қаншама? Қалғандары елге оралып, бейбіт өмірге араласты. Бүгінде ұрпақтарымен бірге бақытты ғұмыр кешіп жатқан қарт майдангерле де ортамызда бар.
Айта кетейік, Тәйімбет Көмекбаев Кеңестер Одағының батыры атағын алған жалғыз қармақшылық майдангер. Ол елге аман-есен оралып, халық шаруашылығын қалпына келтіруге үлес қосып, «Ғасыр адамы» атанды.
«Нұр Отан» партиясы Қармақшы аудандық филиалының «Аэропорт» бастауыш партия ұйымының мүшелері «Ардагерлерді ардақтайық» партиялық жобасы аясында Ұлы Отан соғысының ардагері, 93 жастағы қарт майдангер Қуанышбай Бисенбаевтың отбасында болып, оған көмек көрсетті.
