АУҚЫМДЫ ШАРАЛАР АТҚАРЫЛУДА
Елбасының «Болашаққа бағдар: рухани жаңғыру» мақаласынан бастау алатын «Туған жер» бағдарламасын ілгерілету және үйлестіру бойынша Жалағаш ауданынан жұмыс тобы, сарапшылар кеңесі, жобалық кеңсе құрылып, Елбасы жолдаған бағдарламалық мақаланы ілгерілету және ұйымдастыру жөніндегі аудандық іс-шаралар жоспары бекітілген.
Жалағаш аудандық ішкі саясат бөлімінің мәліметіне сәйкес, іс-шаралар жоспарында Елбасы мақаласында айтылған «Туған жер», «Қазақстанның киелі жерлері», «Қазақстанның жаңа 100 тұлғасы», «Қазіргі заманғы қазақстандық мәдениет жаһандық әлемде», «Мемлекеттік тілдің латын қарпіне көшуі», «Жаңа гуманитарлық білім. Қазақ тіліндегі 100 жаңа оқулық» жобалары бойынша сала басшыларына нақты тапсырмалар жүктеліп отыр.
«Рухани жаңғыру» бағдарламасын іске асырудағы негізгі тұжырымдамалық тәсілдерге сәйкес, Тәрбие және білім» кіші бағдарламасына орай «Өлкетану», «Отаным – тағдырым», «Кітап – білім бұлағы», «Саналы Азамат», бағытында жас ұрпақты отансүйгіштікке, патриоттыққа тәрбиелеу бағытындағы шаралар қамтылған.
