Сыр Медиа

Елбасы Н.Ә.Назарбаевтың «Болашаққа бағдар: Рухани жаңғыру» мақаласы негізінде атқарылып жатқан істер толассыз жалғасын табуда. «Нұр Отан» партиясы Қармақшы аудандық филиалының «Тұрмағамбет» бастауыш партия ұйымына қарасты «Т.Ізтілеуов атындағы №29 қазақ орта мектебі» топтық ұйымында Облыстық жастар денсаулық орталығының бастамасымен «Темекіден бас тарту – денсаулыққа жол тарту» тақырыбында дебат сайысы өткізілді.

  Салауаттылық шарасына Облыстық жастар денсаулық орталығының дәрігері Ұ.Тұрмағамбетова және медбике А.Жеткергенова және мектеп мұғалімдері қатысты.

  Қатысушы оқушылар сұрақтар қойып, жастар арасындағы ересектерге еліктеушілікті жою қажеттілігі сөз етілді.

  Оқушылар пікіріне облыстық жастар денсаулық орталығының дәрігері Ұ.Тұрмағамбетова пікір қосып, дәрігерлік кеңес берді. Тәрбиелік шараны мектеп директоры З.Тасымова қорытындылады. Шара соңында 9 сынып оқушыларының флешмоб биімен көпшілік көңілінен шықты. Салауатты өмір салты жарқын болашақ деген ұғыммен оқушылар тәрбиелік мазмұнды ой жинақтады.