КҮРІШТЕН КӨШ БАСТАҒАН ШАРУАШЫЛЫҚ
Қармақшы ауданындағы «Ақтөбе и К» ЖШС бүгінде аймақтағы алдыңғы қатарлы еңбек ұжымына айналды. Ұжым биыл күріштің әр гектарынан 76,5 центнерден өнім жинап, жыл көрсеткіші бойынша серіктестіктер арасында облыста бірінші орынға ие болды.
Бүгінде «Ақтөбе и К» ЖШС өздерінің күріш ақтау зауытын іске қосқан. Сағатына 5 тонна күріш ақтайтын Оңтүстік Корея қондырғысының жұмыс жасау технологиясы да ерекше. Заманауи зауыт күріштің қалдықтарын бөліп, мал азығын бөлек жинақтайды.
Серіктестік өндіретін күрішке де сұраныс аса жоғары. Қапталған дайын өнімдер еліміздің әр түкпірімен қатар Ресей мемлекетінің бірнеше облыстарына жөнелтілуге дайын.
