ӘЙЕЛІМЕН АЖЫРАСҚАН ОТАНДЫҚ АКТЕР ТАНЫМАЛ ӘНШІГЕ ҮЙЛЕНІП АЛДЫ
Күні кеше Алматыда өткен отандық жас әнші Альбина Шардарованың ұзату тойында түсірілген суреттер желіде тарап кетті. Бойжеткеннің таңдауы танымал тележүргізуші Бауыржан Сатовқа түскен. Көпшілік екінші рет үйленіп жатқан актер мен оның жарын қатты сынға алуда деп жазады NUR.KZ.Бауыржан Сатов өз сүйіктісін ұзатып алып, үйіне ақ келін қылып түсірді. Алайда, бұл неке отандық тележүргізуші үшін алғашқы емес. Бұған дейін танымал актер заңды некеде тұрып, біраз уақыттан соң ажырасып тынған.
Интернет желісінде гитарамен өлең айтып, үлкен танымалдылыққа ие болған Альбина Шардарова өзінің жақын арада тұрмысқа шығатынын хабарлағанда, көпшілік оның сүйіктісін іздеп әлек болған.
Бойжеткеннің таңдауы Бауыржан Сатовқа түскенін білген оқырмандары бірден әнші қызды сынауға кірісті.
Олар Альбинаның отандық тележүргізушінің екінші әйелі болғалы жатқанына өз наразылықтарын ашық білдірген болатын.
