«100 ЖАҢА ЕСІМ» ЖОБАСЫНЫҢ II КЕЗЕҢІ БАСТАЛДЫ
ҚР Ақпарат және коммуникациялар министрлігі «100 жаңа есім» жобасының кезекті кезеңінің басталуын жариялады. Конкурсқа қатысу үшін өтініштер 10 қыркүйекке дейін қабылданады.
Өтініштерді сарапшылар тобы қарастырып, үміткерлер тізімін іріктеп алады. Ұйымдастырушылар айтуынша, үміткерлер кәсіби оратада үлкен жетістіктерге жеткен, үздік адами қасиеттерге ие тұлға болулары керек.
20 қыркүйектен 10 қазанға дейін el.kz порталында халық дауыс беру өтіп, соңында ақырғы «100 жаңа есім» тізімі жарияланады.
Жобаның жұмыс тобының мүшесі Асхат Ораловтың айтуынша, осы жылы жоба жастарға ерекше ден қояды:
«Бізге осы заман қаһармандары керек. Олардың ықпалын көбейту үшін, қоғамның түрлі санаттарын, соның ішінде, жас ұрпақты, өзін-өзі дамуға тарту үшін, бұл Елбасымыз «Рухани жаңғыруда» айтқан: білімнің жоғары құндылығы, дамуға деген ұмтылыс, бірнеше тілді меңгеру, зайырлы құндылықтар мен тағы басқа. Яғни жас ұрпақ өзінің әлеуметтік лифтін тауып, дамуына жағдай жасаулары керек.
«100 жаңа есім» жобасының бірінші тізіміне кірген көптеген тұлғалардың импульс алып, қызмет бабында көтерілгенін білеміз. Бизнестері ұлғайып, олар танымал болды».
