АЛҒАШҚЫ БАЙЛЫҚ – ДЕНСАУЛЫҚ
Сырдария ауданы орталығында ауысымына 250 адам қабылдайтын аудандық емхана, 9 дәрігерлік амбулатория, 3 фельдшерлік-акушерлік бекет, 1 медициналық бекет және аудандық туберкулезге қарсы күрес диспансері аудан халқына қызмет көрсетеді. Бұл туралы аудан әкімі Ғанибек Қазантаев өңірлік коммуникациялар қызметінде өткен брифингте мәлім етті.
Әлеуметтік салаларды бөліп-жарып қарауға болмас, бірақ денсаулық саласының орны қашанда бөлек. Нақты кезеңде аудандық денсаулық сақтау саласында барлығы 728 қызметкер, оның ішінде 76 дәрігер, 369 орта буынды қызметкерлер халық денсаулығы жолында еңбек атқаруда. Есепті мерзімде аудан бойынша 393 нәресте дүниеге келсе, 123 адам қайтыс болған.
Мемлекеттік-жекешелік әріптестік аясында Ақжарма ауылында дәрігерлік-амбулатория салынып, пайдалануға беріледі.
