АЙМАҚ ТҰРҒЫНДАРЫНЫҢ САНЫ АРТЫП КЕЛЕДІ
Биылғы жылдың алғашқы жартыжылдығындағы мәліметтерге сүйеніп Қызылорда облысының демографиялық ахуалына байыптасақ, тұрғындар санының артқанын байқаймыз.
Облыстық статистика басқармасының мәліметінше, осы жылғы 1 тамызына облыстағы халық саны 789,8 мың адамды құрады. Соның ішінде қалалықтар – 349,7 мың (44,3%), ауылдықтар – 440,1 мың адамды (55,7%) құрады. 2017 жылғы 1 тамызымен салыстырғанда аймақтағы халық саны 11,2 мың адамға немесе 1,4% өсті.
АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, биылғы жылдың қаңтар-шілдесінде туылғандар саны 10981 адамды құрады. Бұл 2017 жылдың осы кезеңімен салыстырағанда 1,8% көп. Туудың жалпы коэффициенті 1000 адамға 23,96 туылғандарды құрады.
Алғашқы алты айдағы облыс халқының табиғи өсімі 2017 жылғы қаңтар-шілдесімен салыстырғанда 266 адамға немесе 3,3% артып, 8434 адамды құрады. Табиғи өсімнің жалпы коэффициенті 1000 адамға шаққанда 18,40 адамды құрады.
Қарастырылып отырған кезеңде қайтыс болғандар саны 2547 адам. Бұл 2017 жылдың сәйкес кезеңімен салыстырғанда 2,5% аз. Өлім-жітімнің жалпы коэффициенті 1000 адамға 5,56 қайтыс болғандарды құрады.
2018 жылғы қаңтар-шілдесінде облыста 1 жасқа дейінгі 94 нәресте өлімі тіркелді. 2017 жылғы қаңтар-шілдесімен салыстырғанда 1 жасқа дейінгі шетінеген нәресте саны 2,1% азайды. Нәресте өлім-жітімінің коэффициеті 1000 туғандарға шаққанда 8,56% құрады.
Алдын-ала алынған деректер бойынша 2018 жылғы қаңтар-шілдесіндегі көші-қон алмасуы нәтижесінде Қызылорда облысынан 20715 адам кетіп, облысқа 18993 адам келді. 2017 жылдың қаңтар-шілдесімен салыстырғанда облысқа келгендер саны 3,8% көбейген, ал облыстан кеткендер саны 1,0% азайған.
Алыс және жақын шет елдерге 17 адам (2017 жылғы қаңтар-шілдесінде - 12 адам), республиканың басқа облыстарынан 4916 адам келсе, өткен жылдың сәйкес кезеңінде 5322 адам келген болатын.
Облыстан 6636 адам немесе жалпы көлемнің 32,0% көшуі көбінесе республиканың басқа облыстарына кетуге байланысты болды (2017 жылғы қаңтар-шілдесінде тиісінше 7949 адам немесе 38,0% кеткен болатын).
Алыс және жақын шет елдерге 27 адам, ал 2017 жылдың қаңтар-шілдесінде 24 адам көшті. Сыртқы және ішкі көші-қон нәтижесінде 2018 жылдың қаңтар-шілдесінде 1722 адамға, 2017 жылғы қаңтар-шілдесінде 2639 адамға кему қалыптасқан.
Облыстың 14052 тұрғыны Қызылорда аумағында тұрғылықты орнын ауыстырды (2017 жылғы қаңтар-шілдесінде 12958 адам).
Қызылорда облысының Статистика департаменті
