ОҚЫРМАНДАР КОНФЕРЕНЦИЯСЫ ӨТТІ
Ә.Тәжібаев атындағы облыстық әмбебап ғылыми кітапханасында республикалық «Бір ел–бір кітап» акциясының таңдауы бойынша Н.Келімбетовтің «Үміт үзгім келмейді» хикаяты бойынша оқырмандар конференциясы ұйымдастырылды.
Шара барысында хикаят-монологтың басты кейіпкері Ержанның басынан кешкен қиын тағдыры, өмір мен өлім арасында арпалысқан ойлары негізгі тақырыпқа айналды. Аурухана төсегіне таңылған ер мінезді, жігерлі Ержанның өмірдің құндылығы, қилы тағдырларды суреттеген монолог оқырманын терең ойға батырды.
Шараға «Болашақ» университеті мен «Ұлағат» көпсалалы колледжі студенттері және кітапхана оқырмандары қатысты.
