«АУЫЛҒА ЖОЛ» АУЫЛҒА АПАРАДЫ
Қызылорда облыстық тарихи-өлкетану музейі «Ауыл – ел бесігі» және «Өз жеріңді танып біл» жаңа жобалар шеңберінде «Ауылға жол» акциясын ұйымдастырды. Мұражай ұйымдастырған акцияға қаладағы №6 орта мектептің оқушылары қатысты. Аты айтып тұрғандай, акция кезінде оқушылардың бір тобы ауыл халқының өмірін біліп, олардың бір күнімен танысты. Ал екінші тобы «Әзірет-Сұлтан» мемлекеттік тарихи-мәдени қорық-мұражайдың шығыс моншасына барып, оның сәулетімен танысты.
Естеріңізге сала кетейік, «Рухани жаңғыру» бағдарламасын жүзеге асыру жөніндегі Ұлттық комиссияның кезекті отырысында Президент Әкімшілігінің басшысы Әсет Исекешев Елбасының тапсырмасына сәйкес «Ауыл – ел бесігі» және «Өз жеріңді танып біл» жаңа жобалары іске қосылатынын атап өткен болатын. Бұл жобалар аталған бағдарламаның дамуына серпін беретіні анық.
