28 қарашада Қазақстанның басым бөлігінде жел соғады
Бүгін Қазақстан аумағының басым бөлігінде қар жауып, оңтүстіктің таулы аудандарында мол жауын-шашын түседі. Кей жерлерде екпінді жел тұрып, тұман, көктайғақ, бұрқасын күтіледі. Бұл туралы ҚазАқпарат «Қазгидромет» РМК-ға сілтеме жасап хабарлайды.
Алматы облысының кей жерлерінде желдің жылдамдығы 15-20 м/с-ға жетеді. Жалаңашкөл ауданында желдің екпіні 25 м/с болады, түнде кей жерлерінде тұман түседі.
Ақмола, Қостанай облыстарының кей жерлерінде желдің жылдамдығы 15-20 м/с-ға дейін күшейіп, тұман, бұрқасын болады. Қостанай облысында көктайғақ күтіледі.
Солтүстік Қазақстан облысының кей жерлерінде бұрқасын, көктайғақ болып, желдің жылдамдығы 15-20 м/с-ға дейін күшейеді.
Шығыс Қазақстан облысында желдің жылдамдығы 15-20 м/с-ға дейін күшейеді, күндіз бұрқасын болады.
Түркістан, Жамбыл, Қызылорда, Батыс Қазақстан облыстарының кей жерлерінде тұман, көктайғақ болып, Түркістан, Жамбыл облыстарында желдің жылдамдығы 15-23 м/с-ға дейін күшейеді.
Павлодар, күндіз Ақтөбе облыстарының кей жерлерінде желдің жылдамдығы 15-20 м/с-ға дейін күшейеді.
Қарағанды, Атырау, Маңғыстау облыстарының кей жерлерінде тұман түседі.
https://www.inform.kz/kz/28-karashada-kazakstannyn-basym-boliginde-zhel-sogady_a3467992
