Қызылордада Дастан Оразбеков пен Қанат Әлжаппаровтың қатысуымен қайырымдылық шырша өтті
Қызылорда қаласындағы "Ақ Отау" мейрамханасында 2 жыл қатарынан қайырымдылық шыршасы ұйымдастырылып келеді, деп хабарлайды Kyzylorda-news.kz.
Мейрамханадағы қайырымдылық шыршасына 100-ден аса бүлдіршіндер қатысты. Қайырымдылық шыршасын «Ақ Отау» мейрамханасы ұжымы мен облыстық жастар ресурстық орталығы ұйымдастырды.
Кеш барысында мерекелік дастархан жайылып, бүлдіршіндерге "Ақ Отау" мейрамханасының атынан арнайы сыйлықтар табысталды. Қайырымдылық шыршасында эстрада жұлдызы Дастан Оразбеков пен әзілкеш Қанат Әлжаппаров қатысып, бүлдіршіндерге ерекше жаңа жылдық кеш сыйлады.
Қызылорда жастары қайырымдылық шыршасына қолдау білдірген "Ақ Отау" мейрамханасының басшысы Нұржан Асанұлына үлкен алғыстарын білдірді.
