Төтеншеліктер қайырымдылық іс-шарасын өткізді
Бүгін Қызылорда облысы Төтенше жағдайлар департаментінде жаңа жыл мерекесіне орай қайырымдылық кеші ұйымдастырылды, деп хабарлайды Kyzylorda-news.kz ақпараттық агенттігі.
Мерекелік кеште «Нұр Отан» партиясы ұсынған көп балалы аналар Эльмира Айтбаева мен Орынша Мұсаеваға және тұрғын үйі өртке оранған облыстық ТЖД жұмысшысы Сандуғаш Құрманбаеваға әр қайсысына 30 мың теңгеден қаржылай көмек көрсетілді және мерекелік сыйлықтар берілді.
Кешке қатысушылар өз тарапынан көрсетілген көмек үшін алғыстарын білдірді. Төтенше жағдайлар департаментінің ұжымы тарапынан жасалған қайырымдылық іс-шарасында департамент бастығының орынбасары С.Молдақараев пен департамент бастығының кеңесшісі Т.Ботабаев қатысушыларға ізгі лебізін жеткізді.
