Сыр Медиа

    Қызылорда облысы Төтенше жағдайлар департаментінің қызметкерлері Ұлы Отан соғысындағы тыл еңбеккерлері мен өз саласы ардагерлерін жаңа жылмен құттықтады.

    Осы шара аясында Қызылорда облысы Төтенше жағдайлар департаменті бастығының орынбасары, полковник С.Молдақараев, Өрт сөндіру және авариялық-құтқару жұмыстары қызметі бастығының міндетін уақытша атқарушы, азаматтық қорғау подполковнигі Н.Ибрагимов және кадр жұмысы бөлімінің бас маманы, азаматтық қорғау майоры А.Кеңесова ардагерлер Төлеген Жылқыбаев пен Мария  Платоноваларға барды.

    Аға буын өкілдеріне сый-сияпат жасалды. Ардагерлер өз кезегінде өздерінің қызмет қызмет жолындағы тағылымға толы  естеліктерімен бөлісті.

    Қариялар өздеріне көрсетілген құрметке алғысын білдіріп, ризашылық танытты.