Су деңгейі көтеріледі
17-19 қаңтар аралығында ауа температурасының жоғарылауы болжамына байланысты Алматы облысында қар еруі және ағынды судың қалыптасуы, мұз құбылыстарының әлсіреуі және өзен суы деңгейінің көтерілуі мүмкін, деп хабарлайды "Қазгиромет" РМК-ның облыстық филиалы.
18-19 қаңтар аралығында жауын-шашынның түсуі (19 қаңтар қатты) және ауа температурасының жоғарылауы болжамына байланысты Жамбыл, Түркістан облыстарының таулы өзендерінде су деңгейінің көтерілуі мүмкін.
Қызылорда облысы аумағындағы Сырдария өзенінде мұз құбылыстарының әлсіреуі, өзен арнасының ысылу және су деңгейінің көтерілуі күтілетіндігін ескертеміз.
