Қызылордадан Қарағандыға дейінгі тас жол жабылды
Қызылордадан Қарағанды облысына дейінгі аралықта жол жабылды, деп хабарлайды Kyzylorda-news.kz Қызылорда облыстық төтенше жағдайлар департаментіне сілтеме жасап.
Көлік құралдарының қозғалысына шектеу 29 қаңтар сағат 19.00-ден басталды. Екі облыс аралығындағы жолдың жабылуына ауа райының қолайсыздығы себеп болып отыр. Нақтырақ айтсақ, жолдың жабылуына қар басу мен боран соғу себеп болып отыр.
«Республикалық маңызы бар «Қызылорда-Павлодар-Успенка-РФ шекарасы» автомобиль жолының 12-216 шақырымы аралығына барлық көлік құралдарының қозғалысына тыйым салынған. Бұл Қызылорда қаласынан бастап Қарағанды облысының шекарасы дейінгі аралықты қамтиды», - деп хабарлайды Қызылорда облыстық төтенше жағдайлар департаменті.
Осыған орай, «Қазавтожол» ЖШС Қызылорда облысы бойынша филиалы аталмыш бағытта көлік қозғалысын шектеу туралы шешім қабылдады.
