Қызылорда облысында жеңіл өнеркәсіпті дамыту бағдарламасы әзірленді
2019 жылы облыста жеңіл өнеркәсіпті дамыту бойынша аймақтық бағдарлама жұмыс істей бастайды. Бұл туралы облыс әкімі Қырымбек Көшербаев халыққа есеп беру жиынында мәлімдеді, деп хабарлайды Kyzylorda-news.kz.
Жаппай тұтыну тауарларын шығару жөніндегі өндірістерді құруға – тоқыма, тігін, тері және тамақ өнеркәсібі, сондай-ақ, тағы да басқа өнеркәсіптер бойынша Өңірлік инвестициялық орталық арқылы 10-нан 20 млн.теңгеге дейінгі сомада 8 пайызбен 5 жылға кредиттер берілетін болады. Бірінші кезеңде оны іске асыруға шамамен 800 млн.теңге бағыттау жоспарлануда.
