Сыр Медиа

Бірыңғай жиынтық төлем жалпы соманың төлеміне жатады. Бірыңғай жиынтық төлемді ақшалай немесе банктер және жекелеген банк қызметін көрсететін ұйымдар арқылы төлейді. Ол мемлекеттік корпорацияның банк есеп-шотына төленеді. Бұл 2016 жылдың 26 шілдесіндегі «Төлемдер және төлемдер жүйесі туралы» ҚР Заңының талабы, деп хабарлайды Kyzyzlorda-news.kz ақпараттық агенттігі.

Бұл орайда көрсетілген ұйымдар бірыңғай жиынтық төлемді оның көлемі бірыңғай жиынтық төлем көлеміне сәйкес келмесе қабылдамайды.

Төлеушінің төлейтін бірыңғай жиынтық төлемінің көлемі: республикалық маңызы бар қалаларда, елордада және облыстық маңызы бар қалаларда 1 АЕК (айлық есептік көрсеткіш) көлемінде белгіленген, ал ауылдық жерлер, елді мекендерде - 0,5 АЕК көлемінде.

Бірыңғай жинақтық төлем төлеу барысында айлық есептік көрсеткіш көлемі, республикалық бюджет туралы заңмен бекітілген қаржылық жылдың көрсеткішмен сәйкес болуы керек.

Бірыңғай жиынтық төлемді төлеушілер өз бетінше төлей алады немесе олардың пайдасы үшін үшінші тұлға төлейді. Бірыңғай жиынтық төлемді жасалып отырған айды көрсетіп, яғни айын, жылын көрсетіп төлейді.

Сонымен қатар ағымдағы және келер айдың төлемін қосып бірыңғай жинақтық төлем төлеуге болады.

Банктер мен жекелеген банк қызметтерін көрсететін ұйымдарға түскен бірыңғай жиынтық төлемдер МТ-102 электронды төлем тапсырмасы бойынша Мемлекеттік корпорацияға аударылады.

МТ-102 төлем тапсырмасының форматына бірыңғай жиынтық төлем төлейтін тұлғаның жеке сәйкестендіру нөмірі, тегі, аты, жөні, тұлғаның туған күні, айы, төлемнің көлемі кіреді.

Бірыңғай жиынтық төлем төлеушілерзейнетақымен қамтамасыз ету, міндетті әлеуметтік сақтандыру және міндетті әлеуметтік медициналық сақтандыру туралы ҚР заңдарына сәйкес, әлеуметтік төлемдерден босатылып, бір жерден төлем жасалып Мемлекеттік корпорацияға жеке табыс салығы ретінде аударылады. Ол төлеушінің тұрғылықты жерінің бюджетіне сәйкес бюджеттің саралану кодына сәйкестендіріп төленеді.

ҚР зейнетақымен қамтамасыз ету, міндетті әлеуметтік сақтандыру және міндетті әлеуметтік медициналық сақтандыру туралы заңдарына сәйкес, әлеуметтік төлемдерден босатылған тұлғалар туралы мәлімет ЕХӘҚМ Автоматтандырылған ақпараттық жүйесінен беріледі.

Мемлекеттік корпорация қаражат түскен күннен бастап үш операциялық күні ішінде бірыңғай жинақтық төлем сомасын үлестіріп, тиісті салаларға аударады:

Бірыңғай жинақтық төлемнің 10% - жеке табыс салығы;

- 20 % - әлеуметтік сақтандыру мемлекеттік қорына әлеуметтік аударымдар;

- 30 % - Бірыңғай жинақтаушы зейнетақы қорына зейнетақы жарнасы;

- 40 % - міндетті әлеуметтік-медициналық сақтандыру қорына аударымдар;

Бірыңғай жинақтық төлем төлей отырып, бірден зейнетақы жүйесі, әлеуметтік және медициналық сақтандыру жүйесіне автоматты түрде тіркеледі.

Бірыңғай жинақтық төлемің үлестірілген сомалары әлеуметтік төлем және жеке табыс салығы түріне қарамастан «Азаматтарға арналған үкімет» Мемлекеттік корпорациямен аударылады. Бұл орайда ҚР Ұлттық Банкі басқармасының 2016 жылдың 31 тамыздағы № 203 «Экономика секторларының және төлемдер белгілеу кодтарын қолдану қағидаларын бекіту туралы» қаулысына сәйкес, экономика секторларының және төлемдер белгілеу кодтарымен төлем белгіленген.

Әлеуметтік төлемдер бойынша электронды төлемдер тапсырмасына төлем жасау кезеңіндегі бірыңғай жиынтық төлем төйлейтін жеке тұлғалардың тізімі ұсынылады.

Мемлекеттік корпорация күн сайын аударылған бірыңғай жинақтық төлемдері бойынша ЕХӘҚМ Автоматтандырылған ақпараттық жүйесінен алынған жеке тұлғалардың тізімін ҚР Қаржы министрлігінің мемлекеттік кіріс комитетіне жолдап отырады. Ол жерде ЖСН, аты-жөні, туған күні, айы, төлем жасаған айлар, жеке табыс салығы аударылған аймақтық мемлекеттік кіріс органдарының кодтары (БИН) ұсынылады.

Мемлекеттік корпорациямен бірыңғай жинақтық төлем аясында жеке табыс салығын үлестіру жеке тұлғалардың мәліметтерінің мемлекеттік базасының және мемлекеттік кіріс органдарының кодтарының анықтамасының мәліметтеріне сәйкес жүргізіледі. Мемлекеттік кіріс органдарының кодтарының анықтамасын жаңарту Мемлекеттік кіріс комитетімен жүзеге асады.