Қызылордалық оқушылар Кореяда өткен халықаралық конкурста жүлдегер атанды
Оңтүстік Кореяның Дэджон қаласында өтіп жатқан "Жас ғалым" Халықаралық ғылыми жоба конкурсында Қызылорда облысынан қатысқан оқушылар жүлделі орындарға ие болды, деп жазады Kyzylorda-news.kz.
Білім бәсекесінде бағын сынаған қаладағы №3 мектеп-лицейдің оқушысы Жандос Бақбергенов жүлделі І орынды жеңіп алып, Алтын медаль иегері атанды.
Сонымен қатар, «Мұрагер» мектебінің оқушы Дильназ Төлеген жүлделі ІІ орынмен Күміс медаль алды. Қызылордадағы №9 дарынды балаларға арналған облыстық «Білім-инновация» лицей-интернатының оқушылары Бауыржан Алибеков, Дәурен Сағидолла, Ескендір Ерназаров III орын алып, оларға Қола медаль табысталды.
