Байқоңыр қаласы халқының мәселесі тыңдалды
Байқоңыр қаласында тұрғындармен қоғамдық қабылдау өткізілді, деп хабарлайды Kyzylorda-news.kz ақпараттық агенттігі.
Қоғамдық қабылдауды Қызылорда облысы әкімінің орынбасары, Қазақстан Республикасы Президентінің Байқоңыр кешеніндегі арнаулы өкілі Серік Қожаниязов және Байқоңыр қаласы әкімшілігінің басшысы Константин Бусыгин өткізді.
Қабылдау барысында тұрғындардың жеке әлеуметтік мәселелерімен қатар, білім және денсаулық, жұмыспен қамту, инфрақұрылым, жол мәселелері сөз болды.
Қоғамдық қабылдауға 230 адам қатысып, тұрғындардың сауалдарына Қызылорда облысы әкімдігіне қарасты облыстық басқармалардың басшылары мен орынбасарлары, Қармақшы ауданы әкімдігіне қарасты мемлекеттік мекемелердің басшылары жауап берді.
