Сыр өңірінде медицина жастарының форумы басталды
Бүгін «Мәңгілік ел – салауатты ұрпақ» өңірлік Жастар форумы салтанатты түрде ашылды, деп хабарлайды Kyzylorda-news.kz.
Оған Алматы, Шымкент қаласы, Алматы, Талдықорған, Жамбыл, Түркістан және Қызылорда облысының 150 жас делегаттары қатысуда.
Форумның ашық алаңында денсаулық сақтау саласының өзекті мәселелері, цифрлық технологиялар және медицинаға ақпараттың жүйенің енгізілуі, оның ішінде жастардың ықпалы, денсаулық сақтау саласының жаңашыл қырлары, оның ішінде әлеуметтік медицина, тұрғындарға көрсетілетін әлеуметтік – патронажды көмек, денсаулық сақтау саласындағы заманауи технологиялар арқылы тиімді де сапалы емдеудің тәсілдері, жас медицина кадрларының өңір аралық және шет елдік тәжірибе алмасуы тетіктері жөнінде сөз қозғалады.
Мотивациялық сессияға «Senim» дсжжско РҚБ төрағасы Сапарбек Дүйсенов, Қызылорда облыстық денсаулық сақтау басқармасы басшысы Ақмарал Алназарова, республикамыздың барлық облысы мен қалаларынан облыстық кәсіподақ ұйымы төрағалары мен төрайымдары қатысуда.
