Үздік шәкірттер шипажайға жолдама алды
Қызылорда облыстық «Ақмешіт-Сырдария» орталық мешітіне қарасты «Құран жаттау» орталығының үздік шәкірттеріне шипажайға жолдама берілді, деп хабарлайды Kyzylorda-news.kz.

ҚМДБ-ның Қызылорда облысы бойынша өкілдігінің ұйымдастыруымен «Құран курсында» 6 ай білім алған шәкірттерге сертификат табыстау рәсіміне арнайы қатысқан Өкіл имам Болатбек Ұласқанұлы «Үлкендер» тобында оқитын 50 шәкіртті құттықтап, курсты сәтті тәмамдағандары үшін сертификат табыстады. Сабақтан қалмай, тапсырманы тыңғылықты орындап жүрген Есенов Нұрдалы, Қайрат Жұманов, Абдикамал Мырхиев есімді шәкірттерге «Сарыағаш», «Жаңақорған» шипажайларына жолдаманы тарту етті.
Өкілдіктің ұйымдастыруымен үздік шәкірттерді ынталандыру мақсатында, жомарт азаматтардың демеушілігімен, қолға алынған бастама әлі де жалғасын таба бермек.

