Арал аудандық мәдениет бөлімінің жаңа басшысы тағайындалды
Арал ауданы әкімінің 2019 жылғы 3 сәуірдегі № 89 санды өкімімен, Арал аудандық мәдениет және тілдерді дамыту бөлімінің басшысы лауазымына Базарбай Төрахметов тағайындалды.Базарбай Шөменұлы 1968 жылы 21 сәуірде Арал ауданы Октябрь ауылдық округінде дүниеге келген.
Білімі жоғары. 1992 жылы "Қорқыт Ата атындағы Қызылорда педагогикалық институтын" "физика және педагогика" мамандығы бойынша бітірген.
Еңбек жолын 1992 жылы № 57 "Октябрь" орта мектебінде (1996 жылдан бастап Елеу Көшербаев атында) физика пәнінің мұғалімі болып бастаған.
1997-2000 жылдары Елеу Көшербаев атындағы № 57 орта мектебінде мектеп директорының оқу-ісі жөніндегі орынбасары;
2000 жылдан бастап осы кезге дейін Сексеуіл кентіндегі № 177 орта мектебінің директоры қызметін атқарып келді.
Отбасылы, 4 бала тәрбиелеп өсіруде.
