Сыр Медиа

Қазақстанның эстрада жұлдызы Төреғали Төреәлі туған жері Қызылорда қаласындағы «Азаматтарға арналған үкіметте» болып, жерлестерімен жүздесті, деп хабарлайды Kyzylorda-news.kz.

Кездесу барысында әншіге цифрлық технологиялардың әлеуеті таныстырылып, мемлекеттік қызметтерді онлайн түрде алу жолдары түсіндірілді.

Төреғали өзі де қызығушылық танытып, электронды үкімет порталы арқылы анықтама алып көрді. Әнші сапалы қызмет, пайдалы ақпарат берген жерлестеріне алғыс айтып, ұжымның жұмысына сәттілік тіледі.