ҚАЖ ДЕПАРТАМЕНТІНДЕ ТҰҢҒЫШ ПРЕЗИДЕНТ КҮНІ ТОЙЛАНДЫ
Бүгін Қызылорда облысы бойынша ҚАЖ департаментінің мәжіліс залында 1 желтоқсан Тұңғыш Президент күні мерекесіне орай салтанатты іс-шара өтті. Салтанатты жиынды департамент бастығы Ғанибек Отарбаев құттықтау сөзімен ашты.
- Елбасымыз Н.Назарбаевтың тәуелсіздік жылдарындағы ерен еңбегі туралы айтып өтті. Еліміздің тыныштығы мен ұлтаралық татулық және Тәуелсіздік жылдарында жеткен жетістіктеріміз Президентімізбен байланысты. Еліміздегі құқықтық тәртіпті қадағалаудағы жеткен жетістіктер Президентіміз Нұрсұлтан Әбішұлы Назарбаевтың салихалы саясатының арқасы, – деді әділет полковнигі Ғ.Отарбаев.
Осы айтулы күні қызметтегі жақсы жетістіктері үшін ҚАЖ департаменті және мекеме қызметкерлері ҚР ІІМ ҚАЖ комитеті және ҚАЖ департаменті бастығының құзырымен грамотамен және алғыс хаттарымен марапатталды. Қызылорда облысы бойынша ҚАЖ департаменті ЗК-169/4 мекеме бастығының орынбасары әділет подполковнигі Р.Смайлов «ҚАЖ үздігі» төсбелгісімен марапатталды.
Шара соңында қызметкерлерге Президентіміз Н.Назарбаев туралы деректі фильм көрсетілді.
