ҚАЖД ҚЫЗМЕТКЕРЛЕРІНІҢ САПТЫҚ БАЙҚАУЫ ӨТТІ
Рәміздер алаңында Қызылорда облысы бойынша Қылмыстық – атқару жүйесі департаменті қызметкерлерінің қысқы киім үлгісіне көшуіне байланысты саптық байқау өтті. Байқауды департамент бастығы, әділет полковнигі Ғ.Отарбаев ашты.
Аталмыш шарада ҚАЖД қызметкерлері Қазақстан Республикасының мемлекеттік Туына сап түзеп, Әнұран орындалды. Сонымен қатар саптық байқауда Қылмыстық – атқару жүйесіне жаңадан қабылданған 11 жас қызметкердің салтанатты түрде ант қабылдау рәсімі өтті. Олар жұмысты адал және абыроймен атқаруға, азаматтар құқығы мен бостандығын қорғауға ант берді. Департамент бастығы, әділет полковнигі Отарбаев Ғанибек Сырмағанбетұлы жас қызметкерлерді құттықтап, олардың азаматтық борыштарын абыроймен атқаруына тілек білдіріп, лебізін жеткізді.
Дана ДОСТАНОВА,
ҚАЖ департаментінің мемлекеттік тіл маманы.
