Шиелінің құс фермасы тәулігіне 20 мың дана жұмыртқа шығарады
Kyzylorda-news.kz. Осыдан 3 жыл бұрын іске қосылған «Мөлдір и К» толық серіктестігі құс шаруашылығын дамыту мақсатында 165 млн теңге инвестиция салып құс фермасын іске қосты. Серіктестік өңірлік инвестиция арқылы 10 млн теңге қаражат алды. Құс фермасы қажетті құрал жабдықтармен толық қамтылған.
Құс фермасына 2016 жылдың желтоқсан айында 12 мың балапан әкелінген болатын. Сол уақытта фермадағы 11 мың тауықтан тәулігіне 10 мың дана жұмыртқа алынатын. Жергілікті өнімінің арқасында аудандағы және облыс көлеміндегі жұмыртқаға сұраныс біршама төмендеді.
Құс фермасына 2016 жылдың желтоқсан айында 12 мың балапан әкелінген болатын. Сол уақытта фермадағы 11 мың тауықтан тәулігіне 10 мың дана жұмыртқа алынатын. Жергілікті өнімінің арқасында аудандағы және облыс көлеміндегі жұмыртқаға сұраныс біршама төмендеді.Құс фермасын кеңейту мақсатында 2017 жылы «Бизнестің жол картасы 2020» бағдарламасы арқылы екінші деңгейлі банктен 33 млн 500 мың теңге қосымша қаражат алынып, құс фермасының 2 цехы іске қосылды. Түркістан облысынан тағы 12 мың балапан әкелінді.
Қазіргі таңда құс фермасында 10 адам тұрақты жұмыспен қамтылған. Фермада өнім көлемі де артып, мұнда тәулігіне 20 мың дана жұмыртқа шығады.
Кәсіпорын алдағы уақытта ет бағытындағы құс өсіруді қолға алады. Фермада жылына 65 тонна құс еті өндірілетін болады деп жоспарлануда.
