МЕРЕКЕДЕГІ МАРАПАТ
Қызылорда облысының прокуратурасында ҚР Тұңғыш Президенті күніне орай салтанатты жиын өтті.
Жиында облыс прокуроры Халидулла Дәуешов тәуелсіз мемлекеттің қалыптасуындағы Елбасы еңбегі жайлы тарата айтып, тұңғыш Президенттің ел дамуындағы орны жайлы орнықты лебізін білдірді.
- «Қазақстан Республикасының Тұңғыш Президенті» мерекесінің еліміз үшін мән-маңызы жоғары. Бұл күні ел тағдыры таразыға түскен сын сәтте халқын ізгі жолға бастаған Мемлекет басшысының ерлігіне құрмет көрсетіледі, - деді Халидулла Дәуешов.
Облыстық прокуратураның баспасөз қызметі хабарлағандай, мерекеде ҚР Бас прокурорының бұйрығымен екі қызметкерге «Әділет кеңесшісі» шені тапсырылды. Сондай-ақ, бірқатар сала мамандары Алғыс хатпен марапатталды.
Шара соңында салтанатқа қатысушылар еркін мемлекет құрудағы Елбасы еңбегі жайлы бейнефильм тамашалады.
