Сыр Медиа

Kyzylorda-news.kz. Қызылорда қаласының тұрғындары мен қонақтарына арналған демалыс орындарының бірі қалалық демалыс паркінің маусымдық ашылуы өтті, деп хабарлайды қала әкімінің баспасөз қызметі.

Қалалық демалыс паркінің ашылуына орай, қайта жандандыру жұмыстары аясында ертегі кейіпкерлерінің мүсіндері қайта қалпына келтіріліп, отбасылық және балаларға арналған жаңа аттракциондар мен ойын автоматтары орналастырылған.

Қазіргі таңда демалыс орнында 100-ден аса түрлі ойын-сауық құрылғылары мен аттракциондар демалушыларға қызмет көрсетуге дайын.

Айта кетейік қаламыздың ірі жеке кәсіпкерлері көмегімен парк аумағында жабық ғимараты бар шағын-футбол алаңының құрылысы жүргізіліп, арнайы автотұрақ салынып, жақынарада пайдалануға беріледі деп жоспарлануда.