ЖӘРМЕҢКЕЛЕР ЖАЛҒАСЫП ЖАТЫР
Әр апта сайын облыс орталығында ауылшаруашылық өнімдері жәрмеңкелері ұйымдастырылып келеді. Аймақ басшысының азық-түлік, көкөніс өнімдерінің бағасын тұрақтандыру мақсатындағы тапсырмасынан туындаған бұл шара алда да жалғасын табады.
Осы сенбі, яғни, 9 желтоқсан күні С.Толыбеков көшесінің бойында (Е.Әуелбеков көшесі мен М.Әуезов көшесінің аралығы) қаланың ауыл шаруашылығы тауар өндірушілері, ал С.Торайғыров көшесінде (Қорқыт Ата көшесінің қиылысы мен М.Исаев көшесінің аралығы) Арал ауданы ауыл шаруашылығы өнімдерінің жәрмеңкелерін өткізеді.
