МЕРЕКЕДЕ БҮЛДІРШІНДЕР МАРАПАТТАЛДЫ
Қалалық білім бөлімінің ұйымдастыруымен 1 желтоқсан – ҚР Тұңғыш Президенті күніне орай «Алтын ұя» балабақшасында мерекелік шаралар ұйымдастырылды.
Осы күні балабақшадағы «Ақбота» ортаңғы тобында «Менің Тұңғыш Президентім» тақырыбында ашық оқу тәрбие сағаты өтсе, кіші және ортаңғы топтар «Мен өз елімді мақтан тұтам» тақырыбында үш тілде мәнерлеп оқу сайысына қатысты. Ересек топтағылар үшін «Елін сүйген - Елбасы» ертеңгілігі ұйымдастырылып, «Тұңғыш Президент және менің Отаным» тақырыбында бейне роликтер көрсетілді.
Шара соңында бүлдіршіндер дипломдармен марапатталып, оларға Елбасы жайлы кітаптар сыйға тартылды.
