Сыр Медиа

    Облыс көлемінде жүргізіліп жатқан «Тең мүмкіндіктер жолы» республикалық акциясы аясында  Жергілікті полиция қызметінің қызметкерлері №6 есту қабілеті бұзылған балалардың арнайы мектеп-интернатында болып, 9 сынып оқушылары арасында «Жол ережесін білейік, аман-есен жүрейік» атты іс-шара өткізді.

    Оқушыларға жол қозғалысы ережелері бойынша түсіндірме жұмыстары жүргізіліп, қызықты ойындар ойнатылды, түрлі-түсті көрнекі үгіт-насихат және оқу құралдары таратылды.

    Сонымен қатар, оқушылар арасында жол ережелерін бейнелейтін «Үздік суретші» байқауы ұйымдастырылып, балалардың туындыларына баға берілді.

    Байқау жеңімпаздары бағалы  сыйлықтармен марапатталды.