АУДАНДА ЖИЫРМАДАН АСТАМ ЖОБА ҚАРЖЫЛАНДЫРЫЛДЫ
Сырдария ауданында бөлшек сауда айналымының нақты көлемі жыл басынан бері 998,0 млн теңгені құрап, 2016 жылдың тиісті кезеңімен салыстырғанда 56,2 пайызға өсті. Бұл туралы аудан әкімі Ғанибек Қазантаев мәлімдеді.
Оның айтуынша осы кезде дейін 2090 шағын және орта кәсіпкерлік субъектілері тіркеліп, онда жұмыспен қамтылғандар саны 5780 адамды құраған.
«Бизнестің жол картасы 2020» бағдарламасы арқылы 2017 жылы құны 13,9 млн теңгені құрайтын 19 жоба грант тетігі бойынша қаржыландырылса, 3 жоба екінші деңгейлі банк арқылы қаржыландырылды.
Айта кетейік, 208 адам «Бизнес – кеңесші» бағдарламасы бойынша Қызылорда облысының кәсіпкерлер палатасының Сырдария аудандық филиалы арқылы оқытылды.
