Қызылордада пара берген адам сотталды
Қызылордада мемлекеттік қызметкерге пара ұсынған азаматқа сот үкімі шықты.
Биыл шілде айында Қызылорда облысы бойынша Мемлекеттік кірістер департаменті Экономикалық тергеу қызметінің қызметкеріне 250 000 теңге көлемінде пара беру кезінде бір азамат ұсталды.
Белгілі болғандай, қомақты қаржыны Қызылорда қаласының территориясында заңсыз ойын бизнесін ұйымдастыруға қамқоршылық жасау үшін ұсынған. Департаменттің Ішкі қауіпсіздік басқармасымен анықталған бұл әрекет Қазақстан Республикасы Қылмыстық кодексінің 307 бабы 2 бөлімі, 2 тармағы және 367 бабы 2 бөлімімен тергеліп, сотқа жолданған болатын.
Бүгінде сот үкімі шығып, пара ұсынған азамат 1 жылға бас бостандығынан айырылды. Бұдан кейін ол мемлекеттік органдарда қызмет ете алмайды.
Айта кетейік, пара беру – жазасы ауыр қылмыстық әрекет, ол үшін 15 жылға дейін бас бостандығынан айрылу және мүлкін тәркілеу жауапкершілігі қаралған.
