Сыр Медиа

    Ертең Қызылорда қаласындағы көркемсурет галереясында белгілі фотосуретші Андрей Тайгуновтың «Сырдың сиқырлы саздары» атты жеке фотосурет көрмесі өтеді.

    Ел тәуелсіздігі мерекесіне орай өтетін фотокөрме Елбасының «Болашаққа бағдар: Рухани жаңғыру» бағдарламалық мақаласы аясында ұйымдастырылып отыр.

    – Әркім де туған жерінің түлегенін қалайды. Оның бұрынғысы мен бүгінгісін саралайды. Мен үшін туған өлке табиғатын таспаға тартудың өзі ләззат сыйлайды.  Менің туған жерім алдында жасаған тағзымым осы шығар. Сондықтан да бұл фотокөрмем «Туған жерге тағзым» республикалық акциясы аясында Арал өңірінің бұрыннан келе жатқан төл өнері мен мәйекті мәдениетінің одан әрі өркендеп-өсе түсуіне қосар жеке үлесім дер едім, – дейді фототілші.

    Бір ай бойы жалғасатын көрмеге Сыр табиғатының әр мезгілін бейнелейтін 40-тан астам фотосурет қойылады.   

    Фотокөрменің ашылу салтанаты 14 желтоқсан күні сағат 10:00-де өтеді.