Джеки Чан Димаш Құдайбергеннің даусына тәнті болды (видео)
Kyzylorda-news.kz. Димаш Құдайберген Джеки Чанның фестивалінің ашылу салтанатында өнер көрсетті, - деп хабарлайды Tengrinews.kz.
Қытайдың Да тон қаласында атақты актер Джеки Чанның экшн-фильмдері бесінші халықаралық апталығы басталды. Ашылу салтанатында музыкант Димаш құдайберген үш бірдей әнін айтты: The Crown, Screaming және Unforgettable Day. Соңғы композициясын Димаш танымал тайван әншісі Терри Линмен бірге айтты.
Видео Димаштың Instagram желісіндегі парақшасында да жария болды.
Таяуда Димаш Құдайбергеннің репетициясынан видео жарияланған еді. Оның кадрларынан Джеки Чанның қазақстандық әртістің өнеріне тәнті болғанын көруге болады.
