Қызылордалық өнерпаздар Өзбекстанға кетті
Kyzylorda-news.kz. Кеше Сыр елінің өнер шеберлері мен сала мамандары Өзбекстанға жол тартты.
Қазақстанның Өзбекстандағы жылы аясында екі ел арасындағы достық қарым-қатынас пен мәдени ынтымақтастықты дамыту, Сыр сүлейлерінің шығармашылығын насихаттау мақсатында Өзбекстан Республикасында Қызылорда облысының өнер күндері өтеді.
Өнер күндері аясында Ташкент Н.Бекежанов атындағы қазақ музыкалық драма театрының Р.Отарбаевтың «Нарком Жүргенов» спектаклі мен жергілікті суретшілердің көрмесін, Науаи қаласында Қызылорда облысы өнер шеберлерінің концертін, сонымен қатар, Тамды, Үшқұдық, Кенимех аудандарында облыстық филармонияның дәстүрлі орындаушыларының экспедициялық концертін өткізу жоспарлануда.
Осылайша, 13-19 тамыз күндері Сыр өнері көрші мемлекет халқына ұсынылып, мәдениетіміздің мәртебесі танылмақ.
