Сыр Медиа

Kyzylorda-news.kz. ҚР Тұңғыш Президент - Елбасы Нұрсұлтан Назарбаевтың «Болашаққа бағдар: рухани жаңғыру» бағдарламасы аясында Қызылорда қаласындағы көркемсурет галереясы белгілі суретші Салихитдин Айтбаев тұтынған тұрмыстық және шығармашылық заттармен толықты.

Сонымен қатар шығармашылық үйі суретшінің картинкаларымен толықты.

Осыдан 5 жыл бұрын ашылған көркемсурет галереясына қылқалам шебері Салихитдин Айтбаевтың есімі берілген болатын.

Суретші Салихитдин Әбдісадықұлы Айтбаев 1938 жылы Қызылорда облысында дүниеге келген. Талантты кескіндемеші, график-суретші Қазақстанның еңбек сіңірген өнер қайраткері атағына ие болған. Оның «Шопандар демалысы», «Бақыт», «Жас қазақтар», «Қонақ келді», «Ә.Әлімжанов», «Ана», «Әке», «Шопан», «Абай» атты туындылары бар.

Көркемсурет галереясындағы шараға арнайы келген суретшінің жұбайы Ләззат Қожабекова Салихитдин Айтбаев жайында естелік айтты.