«МЕН СҮЙЕМІН ЕЛІМДІ»
Ә.Тәжібаев атындағы облыстық әмбебап ғылыми кітапханасында «Мен сүйемін елімді» атты әдеби – сазды кеш ұйымдастырылды.
Жас ұрпақтың бойына елжандылық қалыптастырып, рухани адамгершілікке тәрбиелеу мақсатындағы шараға №№ 12, 211, 217 мектептер мен №№ 15, 101 және 264 мектеп-лицейлер оқушылары қатысты.
Шара барысында оқушылар туған жер, атамекен, елордамыз Астана жайлы өлеңдер оқып, өз Отанына деген сүйіспеншіліктерін жыр арқылы жеткізді. Жаугершілік кезең жайлы сахналық қойылым қойып, көрермендердің ыстық ықыласына бөленді.
Кеш соңында қатысушылар «Арқа төсіндегі ару қала – Астана» атты кітап көрмесімен танысты.
