ЖАС АҚЫНДАР АРЕНАСЫ
«Өнер Арбатында» Ә.Тәжібаев атындағы облыстық әмбебап ғылыми кітапханасының ұйымдастыруымен «Жас ақындар аренасында» «Жауқазын -ғұмыр» клуб белсенділері бас қосты.
Жастың бойына мол күш қуат, ұшқыр ой, жігер қайрат, намысшылдық пен талапшылдық тән. Байқасаңыздар әлемге танымал ғалымдар, ақын-жазушылар, өнертапқыштар, әнші-сазгерлердің басым көпшілігі өздерінің танымал еңбектерін 30-ға дейін жазған – деп, жастарға үлкен сенім артамыз.
Шара барысында клуб белсенділері: №23 Жәлел Қизатов атындағы мектеп - лицейінің қазақ тілі мен әдебиет пәнінің мұғалімі М.Маратова; Көпсалалы «Ұлағат» Қызылорда колледжінің оқытушысы Г.Мұқашева, Ә. Тәжібаев атындағы облыстық әмбебап ғылыми кітапханасының библиографы Қ.Қыстаубаев өз туындыларын оқыды.
Оқырмандарға қызмет көрсету бөлімінің меңгерушісі Л.Байтенова «Жауқазын-ғұмыр» клубының жұмысы туралы мәлімдеді.
Ақын жастарға қамқор әдеби ортаға айнала бастаған «Жауқазын - ғұмыр» атты жас ақын-жазушылар клубына шығармашылық қабілеті бар оқырмандарымызды шақырамыз.
