Қызылордалық өнерпаздар Түркияда
Түркітілдес елдердің қатысуымен өтетін камералық оркестрлер фестиваліне Қызылорда облыстық филармониясының камералық оркестрі қатысып жатыр, деп хабарлайды Kyzylorda-news.kz.
16-27 ақпан күндері Балқан түбегіндегі Босния-Герцеговина, Сербия, Венгрия мемлекеттерінде Түркітілдес елдердің қатысуымен өтетін камералық оркестрлер фестиваліне Қазақстан Республикасы атынан Қызылорда облыстық филармониясының камералық оркестрі қатысып өнер көрсетуде.
Сондай-ақ, ҚР Композиторлар одағының мүшесі, ҚР Мәдениет қайраткері, Қорқыт Ата атындағы Қазалы аудандық балалар музыка мектебінің директоры Әліш Сәукен Түрік елінде өткен “Заманауи музыкалық шығармашылықты дамытудағы тәжірибе алмасу” тақырыбындағы халықаралық семинарына қатысу құрметіне ие болды. Композиторды онда Түркі мәдениетінің «ТЮРКСОЙ» халықаралық ұйымы басшылығы және ҚР Композиторлар Одағының төрайымы Балнұр Қыдырбек арнайы шақырған.
Аталған семинарға Қазақстан Республикасы бойынша 7 композитор қатысты.
