Сыр Медиа

Kyzylorda-news.kz. "Қамбаш" олимпиадалар және қосымша білім беру орталығында» облыстық шахмат турнирінің ашылу салтанаты өтті.

Қызылорда облыстық білім басқармасының ұйымдастыруымен "Қызылорда облыстық шахмат федерациясы" қоғамдық ұйымының қолдауымен "Рухани жаңғыру" бағдарламасының аясында Қызылорда облысының оқушылары арасындағы облыстық шахмат турнирі ағымдағы жылдың 21 маусым – 30 маусым күндері аралығында өткізіледі.

Аталған шара мектеп жасындағы балалар арасында шахмат ойынының таралуына, оларды шахматты жүйелі ойнауға тарту, балалардың интеллектуалды дамуына ықпал жасап, шахматшылардың шеберліктерін дамыту, жас таланттарды анықтау мақсатында ұйымдастырылуда.

Ресми шара "ҚАМБАШ" жазғы лагерінің «Шахмат – бұл сенің әлемің» атты шахмат ауысымының ашылу салтанатымен жалғасты. Мерекелік іс-шара бағдарламасында тынығушылар өз топтарын таныстырып, лагерь туы көтерілді.