Қызылордада сотталғандар жарысып жатыр (ФОТО)
Kyzylorda-news.kz. Қызылорда облысы бойынша ҚАЖ департаментінің ЗК-169/5 мекемесінде жыл сайынғы дәстүрге айналған жазғы спартакиада басталды.
Жарыста жазасын өтеушілер спорттың бірнеше түрінен сынға түседі. Спартакиада ЗК-169/5 мекемесі басшылығының нұсқаулығымен жоспар бойынша өткізілуде. Спартакиада Қылмыстық-атқару жүйесі департаментіне қарасты мекемелерінде 24 шілдеден 24 тамыз аралығында өтетін болады.
Мекемедегі жазғы спартакиаданы салтанатты түрде Қызылорда облысы бойынша ҚАЖ департаменті ЗК-169/5 мекемесінің сотталғандар арасында әлеуметтік-психологиялық тәрбие жұмысы бойынша бөлімінің бастығы әділет капитаны Д.Ералиев ашып, спартакиадаға қатысушыларға сәттілік тіледі.
Жазғы спартакиаданың бірінші күнінде жеңіл атлетика жүгіруден оның ішінде 100 метр және 1000 метр қашықтыққа жүгіруден жасақаралық жарыс өтті.
Жазасын өтеушілер бір ай мерзімде спорттың шахмат, дойбы, волейбол, шағын футбол, қол күресі, арқан тартысы, ұзындыққа секіру, жеңіл атлетикадан командалар жасақтап, сынға түсетін болады.
Шара соңында жеңімпаз командалар мекеме бастығының алғыс хатымен марапатталды.
