Қызылордалық Мархаббат Ақылбаева Əлем чемпионатының қола жүлдегері атанды
Kyzylorda-news.kz. Нұр-Сұлтан қаласында грэпплинг және грэпплинг ги спорт түрінен ерлер және әйелдер арасында V Əлем чемпионаты өтті.
Дүбірлі додада Қазақстан атынан өнер көрсеткен қызылордалық Мархаббат Ақылбаева грэпплинг ги түрінен 71 келіден жоғары салмақта қола жүлдені иеленді. Мархаббат Ақылбаева Қызылорда облысының Қажымұқан Мұңайтпасұлы атындағы спорт клубының спортшысы. Жаттықтырушылары Бақыт Ташимов, Арман Маделханов жəне Жалын Романкулов.
