«АТАМЕКЕН» ОТБАСЫЛЫҚ ҮЛГІДЕГІ БАЛАЛАР ҮЙІ КОМАНДАСЫ - ФИНАЛДЫҚ ОЙЫНДАРДЫҢ ҚАТЫСУШЫСЫ
Алматыда «Қайрат» футбол клубының қолдауымен «Арманға қарай» атты футбол чемпионатының финалдық ойындары өтуде, деп хабарлайды Prosports.kz
Айта кетейік, 19 маусым күні Алматы қаласында футбол бойынша «Арманға қарай» балалар үйінің тәрбиеленушілері арасындағы чемпионаттың ақтық кезеңі басталған болатын. Жеңімпаздар үшін басты жүлде - Франциядағы «Пари Сен-Жермен» клубының футбол базасына жолдама.
«Қайраттың» ойыншысы Елдос Ахметов чемпионаттың соңғы кезеңінің ашылуына барып, турнирдің қатысушыларына қолдау білдірді.
– Сіз қазірдің өзінде ең күшті командалардың бірі болдыңыз. Алға деген ұмтылыс-ниеттеріңіз қашан да жемісін әкеледі. Өз күштеріңе сеніп, әрдайым ауызбіршілікте болыңдар, өйткені футбол - командалық ойын, - деді Ахметов.
Іріктеу турдан ақтық сайыстарға сүрінбей өткен 9 үздік командалардың ішінде Қызылорданың «Атамекен» отбасылық үлгідегі балалар үйінің жеткіншектері де да бар.
