Сыр Медиа

Қызылорда қаласында жастарды «Жас құрылысшылар» еңбек жасағының қатарына жұмысқа тарту мақсатында кіші футболдан жарыс ұйымдастырылды.

Айта кетейік, аталған жарыс облыстық жастар саясаты мәселелері басқармасының қолдауымен және «Студенттік жастардың еңбек жасақтары облыстық штабы» қоғамдық бірлестігінің ұйымдастыруымен өтті. Мұндағы мақсат – жас құрылысшыларды еңбек жасағының қатарына жұмысқа тарту. Қаламыздағы шартты сотталғандар мен жазасын өтеп шыққан жастар арасында Пробация үйінің спорт алаңында футболдан жарыс өтті.

Жарысқа қызығушылық танытқан 25 жас қатысты.Жарыс барысында «Ақ-Барыс», «Қыран», «Қайсар», «Мерген», «Тұлпар» командалары өз бақтарын сынады. Тартысты жарыс нәтижесінде 1-орын «Ақ-Барыс», 2-орын «Қыран», 3-орын «Қайсар» командалары иеленді. Жеңімпаз командалар дипломдар тапсырылып, бағалы сыйлықтармен марапатталды. Бұған қоса, барлық қатысушылар алғыс хаттармен марапатталды.

Шара барысында «Жас құрылысшылар» еңбек жасағының жұмысы таныстырылып, жұмысқа шақыру үгіт-насихаттар жұмыстары жүргізілді.