ЖАСТАР САЛАУАТТЫ ӨМІРДІ НАСИХАТТАДЫ
Қызылорда облысының жастар саясаты мәселелері басқармасының «Жастар еңбек жасағының қызметін дамытуға әлеуметтік қызметті ұйымдастыру» әлеуметтік жобасы аясында «Чемпион» теннис орталығында жастар арасында үстел теннисінен жарыс өткізілді.
Салауатты өмір салтын насихаттау мақсатында ұйымдастырылған жарысқа Қазалы, Қармақшы және Қызылорда қаласынан 21 жас қатысты.
Жарыс нәтижесінде 1-орынға Қанат Дәлі көтерілсе, екінші орын Қанат Әбілқасымның еншісіне тиді, ал Елеусін Өтеміс үшінші орын иегері атанды.
