ҚЫЗЫЛОРДАЛЫҚ МЕРЕЙ МЕДЕТОВ АЗИЯ ЧЕМПИОНЫ АТАНДЫ
Қытайда байдарка және каноэде есуден жастар арасында өткен Азия чемпионатында қызылордалық спортшылар 2 жүлде иеленді.
Жоғары спорт шеберлігінің тәрбиеленушісі, ҚР халықаралық дәрежедегі спорт шебері Мерей Медетов 200 метр қашықтықта каноэ - екілік бәсекесінде Азия чемпионы атанды.
Ал №5 облыстық олимпиадалық резервтің мамандандырылған балалар-жасөспірімдер мектебінің спортшысы, ҚР спорт шебері Алтынбек Қожахмет 1000 метр қашықтықтағы каноэ – бірлік сынында қола жүлдеге ие болды.
Спортшыларды жарысқа ҚР еңбек сіңірген жаттықтырушысы Мұхитдин Мейірбеков дайындады.
