ТӨТЕНШЕ ЖАҒДАЙЛАР ДЕПАРТАМЕНТІНІҢ ҚҰРЫЛЫМДЫҚ БӨЛІМШЕЛЕРІ ӨЗАРА СЫНҒА ТҮСТІ
Қызылорда облысы өртке қарсы қызметінің құрылымдық бөлімшелері арасында Қазақстан Республикасы құтқарушылар күніне орай, Қызылорда облысында спорттық іс-шара өткізілді.
Сайысқа «Өрт сөндіруші» АҚ Қызылорда облысы филиалы мамандарынан жасақталған команда белсенді қатысты.
Сала қызметкерлері арасында футбол, ауыр атлетика, арқан тартыс және армреслингтен өткен жарыс салауатты өмір салтының насихатшысы болды.
Жарысқа филиал командасын бастап шыққан өрт сөндіру авариялық құтқару бөлімінің бастығы Оразбек Жұмабеков әріптестерінің жыл сайын өтіп тұратын жарыстарда жоғары нәтиже көрсетіп жүргенін айтады.
Бұл жолы да «Өрт сөндіруші» АҚ ҚОФ жігіттері биіктен көрінді. Жарыс қорытындысында жеңімпаздар мен жүлдегерлерге марапат тапсырылды.
