БАЛАЛАР ҚҰТҚАРУШЫЛАР ӨМІРІН БЕЙНЕЛЕДІ
Қызылорда облысы Төтенше жағдайлар департаментінде «Өрт сөндірушілер мен құтқарушылар балалар көзімен» тақырыбында суреттер байқауы өтті. Оған Қызылорда облысы ТЖД, «Өрт сөндіру және авариялық-құтқару жұмыстары қызметі» және «Оңтүстік өңірлік аэроұтқыр жедел құтқару жасағы» қызметкерлерінің балалары қатысты.
Қызылорда облысы ТЖД мемлекеттік тіл және ақпарат тобы мамандарының мәліметінше 5-8 жас және 9-12 жас аралығындағы балалар бейнелеген суреттерді бағалауда тақырыпқа сәйкестігі, идеяның бірегейлігі, көркемдік шеберлігі назарға алынды.
Байқауда 25 баланың суреттері талқыланып, 5-8 жас аралығында 3 бала, 9-12 жас аралығында 3 бала жүлдегер атанды.
Жеңімпаздар дипломмен және бағалы сыйлықтармен марапатталды.
